Tiàtre a Faíte: “La carde de la dóte”

disponibile anche in: Italiano

Lu Spurtiélle de Faíte i-atte féje arríje lu tiàtre de la lénna faitàre, lu cunte mé víje che i fate accappíje a lò faitàre can gli-è ciére la lénna làue. Lu 30 de lu màje de decèmbre a le 18:30 a la scóle é sta féje la rècete che gli-é sta ‘nammuórre apprezzà é vijàue avóje da lò faitàre deffuóre. “La carde de la dóte” gli-é sta scri ‘nghjé la lénna arbёrёshe di Ururi da Guido Tartaglione é màje ‘nghjé la lénna faitàre da Cocco Maria Antonietta, D’Aulizio Rossella Grazia Pia, Di Cicilia Luigi, Marella Domenica, Riccio Ida Sara.

S’accúnte de cumme se fescíve lu matremmónje a Faíte ‘nghjé lòs anne ’40, de cumme s’ausàve a scrire la carde de la dóte é la nóte de lu curréde decchírre ‘na fíglje s’ava marijà, chiammànne un crestiànne appòste. ‘Nammuórre de faitàre i-ante denà su che ó servíve pe fa vedàjere cumme gli-éve ‘na case a selló ténne é la manna mé róse l’ante denà selló che i-ante fé la pare.
Le pare i sunte sta fé da: Antonia D’Angelico (Flumène), Fedele Melillo (‘Nduníne), Antonella Papa (Luciètte), Christian Gallone (Pruspetiélle), Vito Petitti (Peppenúcce), Nicolina Cavotta (Rusenèlle), Michele Marella (Mechéle), Biagio Ciarmoli (Dòn Pasquàle). I-ante reseví ‘na muórre de cumplemménne é i-ante lescjà a búccja avèrete, avóje pe le rise che i-ante fé fa.